កម្ពុជា​ឈរ​លេខ​១សម្រាប់​អ្នក​ចូល​ទស្សនា​​ក្នុង​វគ្គ​ជម្រុះ WCជុំ​ទី​១

បាល់ទាត់ ៖ ​យោងតាម​របាយការណ៍​ពី​វេ​ប​សាយ ASEAN Football News បាន​ឲ្យ​ដឹងថា កម្ពុជា​បាន​ឈរ​នៅ​ចំណាត់ថ្នាក់​ទី​១ សម្រាប់​អ្នក​ចូល​ទស្សនា​ផ្ទាល់​នៅ​ពហុ​កីឡដ្ឋាន​ជាតិ​អូឡាំពិក រាជធានី​ភ្នំពេញ​មាន​ចំនួន​៣៣,៧០៦ នាក់ ពេល​ប៉ះ ប៉ា​គី​ស្ថាន ក្នុង​FIFA World Cup 2022 ជុំ​ទី​១ កាល​ថ្ងៃ​ព្រហស្បតិ៍ ទី​០៦ ខែមិថុនា​។​

​ចំណែក​លេខ​២ ធ្លាក់​ទៅលើ​ប្រ៊ុយណេ ដែលមាន​អ្នក​ចូល​មើល​នៅ​ពហុ​កីឡដ្ឋាន​ជាតិ Hassanal Bolkiah ចំនួន​១៧,២១០​នាក់​។ ទី​៣ គឺ​កីឡដ្ឋាន Bukit Jalil ដែល​ស្រូប​ទាញ​អ្នកមើល​ផ្ទាល់​១២,៧៧៦​នាក់​ពេល​ទី​ម័​រ​ខាងកើត​ប៉ះ​ម៉ាឡេស៊ី​នៅ​ជើង​ទី​២​ថ្ងៃ​អង្គារ ទី​១១ មិថុនា​៕