លោក ផៃ ស៊ី​ផាន ប្រតិកម្ម​ចំពោះ​ការលើកឡើង​មិន​សម​ហេតុផល​របស់​អង្គការ​ឃ្លាំមើល​សិទ្ធិមនុស្ស​

ភ្នំពេញ ៖ លោក ផៃ ស៊ី​ផាន ប្រធាន​ក្រុម​អ្នកនាំពាក្យ​បាន​ប្រតិកម្ម​ទៅនឹង​ការលើកឡើង​របស់​អង្គការ​ឃ្លាំមើល​សិទ្ធិមនុស្ស Human Rights Watch ស្តីពី​ការរៀបចំ​សន្និសីទ​«​សារព័ត៌មាន​អាស៊ី​» ខណៈដែល​អង្គការ​មួយ​នេះ​បានចាត់ទុក​សន្និសីទ​«​សារព័ត៌មាន​អាស៊ី​»​លើក​ទី​១៦ ដែល​កំពុង​ធ្វើឡើង​នៅ​សៀមរាប ថា​ជា​រឿង​មិន​សម​ហេតុផល​។

​លោក ផៃ ស៊ី​ផាន បាន​ថ្លែង​នូវ​ការសោកស្តាយ​ចំពោះ​ការលើកឡើង​របស់​អង្គការសិទ្ធិមនុស្ស​មួយ​នេះ ព្រោះថា អង្គការ​នេះ​តែងតែ​គិតថា អ្វីដែល​ខ្លួន​បានលើកឡើង​គឺ​សុទ្ធតែ​ត្រូវ​ទាំងអស់ ។ ប៉ុន្តែ​ជាក់ស្តែង​អ្វី ដែល​បានលើកឡើង មិនបាន​ឆ្លើយតប​នឹង​ស្ថានការណ៍​នៅ​កម្ពុជា​ទេ ហើយ​ជាការ​ប្រ​ឌឹ​ត​ប៉ុណ្ណោះ ។

​គួ​រម្លឹកថា កាលពី​ព្រឹក​ថ្ងៃ​ពុធ​នេះ​សម្តេច ហ៊ុន សែន នាយករដ្ឋមន្ត្រី​បាន​អញ្ជើញ​ជា​អធិបតី​ក្នុង​ពិធី បើក​ជា​ផ្លូវការ​នូវ​សន្និសីទ​កំពូល «​សារព័ត៌មាន​អាស៊ី​» លើក​ទី​១៦ ក្រោម​ប្រធានបទ «​ប្រព័ន្ធ​ផ្សព្វផ្សាយ​ឌីជីថល​-​អភិវឌ្ឍន៍​ទីផ្សារ​» និង​មាន​អ្នកចូលរួម​ប្រមាណ​៥០០​នាក់ ពី​ប្រទេស​ជាង​៤០​ពី​តំបន់ និង​ពិភពលោក​។ ស​ន្និសិទ​នេះ​ប្រារ​ពន្ធ​ធ្វើឡើង​នៅ​សណ្ឋាគារ សុខា​ក្នុង​ខេត្តសៀមរាប ៕