សម្តេច ហ៊ុន សែន នឹង​ប្រកាស​ជា​ផ្លូវការ​នូវ​”​យុទ្ធសាស្ត្រ​សមាហរណកម្ម​ពាណិជ្ជកម្ម​កម្ពុជា​២០១៩-២០២៣”

​ភ្នំពេញ ៖ សម្តេច ហ៊ុន សែន នឹង​ប្រកាស​ចេញ​ជា​ផ្លូវការ​នូវ​“​យុទ្ធសាស្ត្រ​សមាហរណកម្ម​ពាណិជ្ជកម្ម​កម្ពុជា​២០១៩-២០២៣ ហើយនឹង​ថ្លែង​សុន្ទរកថា​នៅក្នុង​កិច្ចប្រជុំ​ទៀងទាត់​លើក​ទី​៤១ នៃ​ក្រុមប្រឹក្សា​សិទ្ធិមនុស្ស​អង្គការសហប្រជាជាតិ។ នេះ​បើ​យោងតាម​សំណេរ​លើ Facebook ផ្លូវការ​របស់​សម្តេច​នៅ​ថ្ងៃ​អង្គា​រ៍​នេះ ។​

​សូមជម្រាបថា សម្តេច ហ៊ុន សែន កាលពី​ម្សិលមិញ​នេះ បាន​ដឹកនាំ​គណៈប្រតិភូ​ជាន់ខ្ពស់​កម្ពុជា ទៅ​ចូលរួម​កិច្ចប្រជុំ​ស្តីពី​”​ការត្រួត​ពិនិត្យឡើងវិញ​ជាស​កល​លើ​ជំនួយ​សម្រាប់​ពាណិជ្ជកម្ម ឆ្នាំ​២០១៩” ដែលមាន​រយៈពេល​២​ថ្ងៃ នៅ​អង្គការ​ពាណិជ្ជកម្ម​ពិភពលោក (WTO) នាទី​ក្រុង​ហ្សឺ​ណែវ ប្រទេស​ស្វី​ស ខណដែល​ពលរដ្ឋ​ខ្មែរ​ជិត​មួយ​ពាន់​នាក់​នឹង​ទទួល​ស្វាគមន៍ រួមទាំង​ការជួបជុំ​ជាមួយ​សម្តេច​នៅ​ទីក្រុង​ហ្សឺ​ណែវ​ប្រទេស​ស្វី​ស​ផងដែរ ។​

​ហ្វេ​ស​ប៊ុ​ក​ផេ​ក​សម្តេច​តេ​ជោ​ហ៊ុនសែន សរសេរថា​”​ស្របពេល​ជាមួយគ្នានេះដែរ ខ្ញុំ​នឹង​ប្រកាស​ចេញ​ជា​ផ្លូវការ​នូវ​”​យុទ្ធសាស្ត្រ​សមាហរណកម្ម​ពាណិជ្ជកម្ម​កម្ពុជា​២០១៩-២០២៣ ហើយនឹង​ថ្លែង​សុន្ទរកថា​នៅក្នុង​កិច្ចប្រជុំ​ទៀងទាត់​លើក​ទី​៤១ នៃ​ក្រុមប្រឹក្សា​សិទ្ធិមនុស្ស UN ផងដែរ​។​

​សម្តេច​ក៏​សូម​អរគុណ​បងប្អូន​ខ្មែរ​នៅ​អឺរ៉ុប​ទាំងអស់​ដែល​កំពុង​រង់ចាំ​ទទួល​ស្វាគមន៍​សម្តេច​នៅ​ទីក្រុង​ហ្សឺ​ណែវ និង សូម​ជូនពរ​បងប្អូន​ជនរួមជាតិ​ជួបតែ​សេចក្តីសុខ​និង​សំណាងល្អ​គ្រប់ៗ​គ្នា​៕