ថ្ងៃទី០៩ ខែកក្កដានេះ រកឃើញយានយន្ដល្មើសច្បាប់ជាង ១ពាន់គ្រឿង និងពិន័យ១,២១៧គ្រឿងនៅទូទាំងប្រទេស

ភ្នំពេញ ៖ យុទ្ធនាការរឹតបន្ដឹងច្បាប់ចរាចរណ៍ទូទាំងប្រទេស សម្រាប់ថ្ងៃទី០៩ ខែកក្កដា ឆ្នាំ២០១៩នេះ កម្លាំងនគរបាលចរាចរណ៍ បានត្រួតពិនិត្យយានយន្ដចំនួន៥,៦៩១គ្រឿង រកឃើញល្មើសច្បាប់១,៥៦៧គ្រឿង (ម៉ូតូ២២%) អប់រំ៣៥០គ្រឿង និងពិន័យ ១,២១៧ គ្រឿង។ នេះបើតាមរបាយការណ៍ផ្លូវការ របស់នាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។

របាយការណ៍ដដែលបន្តថា ចំពោះការត្រួតពិនិត្យមួក និងកញ្ចក់ នៅថ្ងៃទី០៩ ខែកក្កដានេះ ត្រួតពិនិត្យរួមបានចំនួន ២,៧៨០គ្រឿង, អប់រំ១៩៥គ្រឿង និងពិន័យ៣៩៩គ្រឿង។

របាយការណ៍បញ្ជាក់ថា រយៈពេល០៩ថ្ងៃ ចាប់ពីថ្ងៃទី០១ ដល់ថ្ងៃទី០៩ ខែកក្កដា ឆ្នាំ២០១៩នេះ នគរបាលបានត្រួតពិនិត្យយានយន្តចំនួន ៤៤,៣០៥គ្រឿង រកឃើញយានយន្តល្មើស១០,១៩១គ្រឿង (ម៉ូតូ៣០%) ក្នុងនោះអប់រំ៣,០២៣គ្រឿង និងពិន័យ៧,១៦៨គ្រឿង (ម៉ូតូ៧៩%)ផងដែរ៕