ការលក់គ្រឿងស្រវឹង ត្រូវបានហាមឃាត់នៅជុំវិញកីឡដ្ឋាន នៅអំឡុងព្រឹត្តិការណ៍ World Cup
កាតា ៖ FIFA បានប្រកាសកាលពីថ្ងៃសុក្រ ថានឹងមិនអនុញ្ញាតឲ្យលក់ស្រាបៀរដែលមានជាតិអាល់កុលដល់អ្នកគាំទ្រជុំវិញកីឡដ្ឋានណាមួយក្នុងចំនោមកីឡដ្ឋានទាំង៨ នៅអំឡុងពេលព្រឹត្តិការណ៍ World Cup បន្ទាប់ពីមានការពិភាក្សាគ្នាជាមួយកាតាដែលជាម្ចាស់ផ្ទះរួចមក។
សេចក្តីប្រកាសនេះបានធ្វើឡើង២ថ្ងៃមុនការប្រកួតបាល់ទាត់ពិភពលោកចាប់ផ្តើមនៅថ្ងៃអាទិត្យ ដែលជាលើកទីមួយដែលត្រូវបានប្រារព្ធឡើងនៅក្នុងប្រទេសមូស្លីមអភិរក្សនិយម ដែលមានការគ្រប់គ្រងយ៉ាងតឹងរ៉ឹងលើគ្រឿងស្រវឹង ការទទួលទានត្រូវបានហាមឃាត់ជាសាធារណៈ។
សេចក្តីថ្លែងការណ៍របស់ FIFA បាននិយាយថាការសម្រេចចិត្តមួយត្រូវបានធ្វើឡើងដើម្បីដកចំណុចលក់ស្រាបៀរចេញពីបរិវេណកីឡដ្ឋាន FIFA World Cup 2022 របស់ប្រទេសកាតា” ។
គ្រឿងស្រវឹង នឹងនៅតែត្រូវបានលក់នៅទីតាំង FIFA Fan Festival និងគោលដៅរបស់អ្នកគាំទ្រផ្សេងទៀត ព្រមទាំងទីលានដែលទទួលបានអាជ្ញាបណ្ណផងដែរ។ វាក៏នឹងមានលក់នៅក្នុងបន្ទប់ VIP ក្នុងកីឡដ្ឋាន និងក្នុងសណ្ឋាគារ និងភោជនីយដ្ឋានមួយចំនួនផងដែរ។ ស្រាបៀរ ដែលគ្មានជាតិអាល់កុល Bud Zero នឹងមានលក់នៅគ្រប់កីឡដ្ឋានទាំងអស់៕