Real Madrid ចាប់អារម្មណ៍ Xabi Alonso ជំនួស Ancelotti
បរទេស៖ អតីតខ្សែបម្រើជម្រើសជាតិអេស្ប៉ាញលោក Xabi Alonso ត្រូវបានសារព័ត៌មានមួយចំនួនចុះផ្សាយថា Real Madrid ចាប់អារម្មណ៍ធ្វើជាបេក្ខភាពគ្រូបង្គោលក្លឹបជំនួសបុរសជនជាតិអ៊ីតាលីលោក Carlos Ancelotti ដែលអាចនឹងចាកចេញនៅឆ្នាំក្រោយ។
លោក Ancelotti អាចនឹងចេញនៅឆ្នាំ២០២៤ ដោយលោកនឹងទទួលការងារធ្វើជាគ្រូបង្វឹកក្រុមជម្រើសជាតិប្រេស៊ីល។
ជាមួយនឹងសភាពការណ៍នេះដែរ ក្លឹបអធិរាជស Real Madrid ចង់រកអ្នកជំនួសតំណែងលោក Ancelotti ខណៈពេលនេះ Real បានចាប់អារម្មណ៍លោក Alonso ដែលមានស្នាដៃការងារល្អក្នុងការដឹកនាំក្លឹបអាល្លឺម៉ង់ Bayer Leverkusen នារដូវកាល២០២២/២៣កន្លងទៅ។
Alonso ក៏ត្រូវបានក្លឹបធំៗដូចជា ក្លឹបយក្សបារាំង Paris Saint-Germain ចាប់អារម្មណ៍ផងដែរ។ យ៉ាងណាមិញ អតីតកីឡាករ Real Madrid ពីឆ្នាំ២០០៩ ដល់ ២០១៤ រូបនេះ ចង់ដឹកនាំក្លឹបនៅអេស្ប៉ាញជាង។ បុរសជនជាតិអេស្ប៉ាញរូបនេះនឹងអស់កុងត្រានៅអាល្លឺម៉ង់ត្រឹមឆ្នាំ២០២៤៕