Neymar ទម្លាយពីមូលហេតុដែល PSG អត់ដែលឈ្នះ UCL ទោះជាមានកីឡាករកំពូលៗ
ប្រភព៖ GOAL
បរទេស៖ ខ្សែប្រយុទ្ធប្រេស៊ីល Neymar បានប្រាប់អ្នកកាសែតកាលពីពេលថ្មីៗនេះថា មូលហេតុដែលក្លឹបរបស់ខ្លួន Paris Saint-Germain មិនដែលឈ្នះពានក្របខ័ណ្ឌកំពូលអឺរ៉ុប UEFA Champions League គឺដោយសារតែកីឡាករកំពូលៗដូចជា ខ្សែប្រយុទ្ធបារាំង Kylian Mbappe និងខ្សែប្រយុទ្ធអាហ្សង់ទីន Lionel Messi ក៏ដូចជារូបលោកផ្ទាល់ «លេងអត់ត្រូវជើងគ្នា»។
កីឡាកររូបនេះបានលើកឡើងថា៖ «យើងមានក្រុមមួយដ៏ខ្លាំង។ Messi ហើយ Mbappe ក៏ដូចជារូបខ្ញុំ ជាកីឡាករល្អជាងគេលើលោក។ យើងដឹងអញ្ចឹង តែជាអកុសល យើងលេងអត់ត្រូវជើងគ្នា។ វាមិនមែនជារឿងល្អសម្រាប់យើងនោះទេ»។
លោកបាននិយាយបន្តថា ក្រុមរបស់លោកចង់ឈ្នះអ្វីគ្រប់យ៉ាង តែបាល់ទាត់ពេលខ្លះហាក់មិនមានភាពយុត្តិធម៌សោះ។
សូមជម្រាបផងដែរថា Messi, Neymar និង Mbappe បានលេងជុំគ្នា ២រដូវកាល។ យ៉ាងណាមិញ ក្លឹប PSG បានធ្លាក់ពី UCL ២រដូវកាលជាប់គ្នាត្រឹមវគ្គ ១៦ក្រុមចុងក្រោយ៕