ឃាត់ខ្លួន​ជនជាតិ​ចិន​២​នាក់​ករណី​ចាប់ជំរិត ​និង​រំដោះ​ជនរងគ្រោះ​ជនជាតិ​ចិន​ដូចគ្នា​ចំនួន​៣​នាក់

​​ភ្នំពេញ ៖ សមត្ថកិច្ច​បាន​ចុះ​ប្រតិបត្តិ​ការបង្ក្រាប​ករណី​ជំរិត​ទារប្រាក់​ដោយបាន​ឃាត់ខ្លួន​ជនជាតិ​ចិន​ជា​ជនសង្ស័យ​ចំនួន​២​នាក់ ហើយ​បាន​រំដោះ​ជនរងគ្រោះ​ជា​ជនជាតិ​ដូចគ្នា​បាន​ចំនួន​៣​នាក់។​

​សមត្ថកិច្ច​បញ្ជាក់ថា ប្រតិបត្តិ​ការបង្ក្រាប​ក​រ​ណី​ខាងលើនេះ ធ្វើឡើង​នៅ​ម៉ោងជាង​១២​រំលង​អា​ធ្រា​ត ឈានចូល​ថ្ងៃទី​៣០ ខែកក្កដា ឆ្នាំ​២០២០​។ ប្រតិ​ប​ត្ត​ការ​នេះ​ធ្វើឡើង ដោយ​ទទួលបាន​ដំណឹង​ពី​ជនរងគ្រោះ ដែល​បាន​រត់​រួច ហើយ​ប្រាប់​គេ​ជួយ​ទើប​លោក​ដឹង ក៏បាន​ដឹកនាំ​កម្លាំង​ចុះទៅ​ជួយ​តែម្តង ហើយ​ឃាត់​បាន​ជនជាតិ​ចិន ដែលជា​ជនដៃដល់​២​នាក់ និង​រំដោះ​ជនរងគ្រោះ​៣​នាក់ រួមទាំង​ដកហូត​បាន​សម្ភារ​សម្រាប់​ធ្វើ​សកម្មភាព​ជាច្រើន​ថែមទៀត ។​

​ប៉ុន្តែ​រហូតមក​ដល់ពេលនេះ​គេ​នៅ​មិនទាន់​ទទួលបាន​ព័ត៌មាន​លម្អិត​នៅក្នុង​ករណី​ខាងលើនេះ​នៅឡើយ​ទេ ខណៈដែល​សមត្ថកិច្ច​កំពុង​សាកសួរ​និង​កសាង​សំណុំរឿង​ទៅ​តុលាការ ដើម្បី​ចាត់ការ​តាមច្បាប់៕